Aliu:Tërhiqeni këtë seancë, ftojeni kabinetin Qeveritar
Ministri i Infrastrukturës, Liburn Aliu në mbledhjen e Kuvendit të Kosovës e cila po shqyrtohet propozim-rezoluta për numrin e madh të kontratave njëburimore të nënshkruara gjatë mandatit të Qeverisë Kurti, tha se nuk e kupton për çfarë është thirrë nga deputetët e opozitës, meqenëse nuk janë të ftuar as ministrat tjerë.
Aliu në fjalimin e tij tha se ai nuk mund të përgjigjet për kontrata tjera, përveç atyre të lidhura nga Ministria që e udhëheq.
“E Kishit thirre Qeverinë komplet dhe këtu kishte qenë edhe Ministrja e Ekonomisë, Ministrja e Drejtësisë, Ministrja e Arsimit, dhe Ministri i Kulturës të gjithë do të përgjigjeshin, por ju po dilni këtu po flisni për ata, e po duhet me u përgjigj unë për ta, që unë nuk kam ide për atë punë. Unë mundem me u përgjigj për pjesën time e kur të vjen puna për me më përmend mua, nuk mundemi me më përmend se nuk keni për çfarë”, tha Aliu.
Tutje Aliu i kërkoi opozitës që t`a tërhiqen këtë seancë, siç tha ai, që të jenë të ftuar Qeveria bashkë me ministrat e tjerë.
“A dini çka, a po e tërhiqen këtë seancë kështu dhe thirreni një tjetër dhe të vijnë me informacione, dhe vijmë komplet të gjithë dhe flasim krejt për secilin”, shtoi Aliu.
