Bajrami kritikon pushtetin: Çka janë këto lojëra me amendamentet?

Deputetja e Lidhja Demokratike e Kosovës, Hykmete Bajrami, ka kritikuar ashpër pushtetin në Kuvend lidhur me amendamentet për zgjedhjen e presidentit nga populli.

Ajo tha se këto ndryshime kushtetuese nuk e shmangin mundësinë që vendi të shkojë në zgjedhje dhe akuzoi qeverinë se po luan me interesin e qytetarëve, duke pyetur se çfarë do t’u thuhet qytetarëve nëse Kuvendi shpërndahet.

Sa herë flasim për interesat e qytetarëve jemi në rend të ditës. Dhe sot nuk ka rend të ditës më të rëndësishme që mos me i çu qytetarët në zgjedhje prapë. Dhe kush po i çon në zgjedhje? Po i çoni ju që i keni marrë 51 për qind të votave dhe keni sjell në rend të ditës amendamente kushtetuese të cilat assesi nuk e evitojnë dërgimin e vendit në zgjedhje.. Çka janë këto lojëra, cka doni me iu thënë qytetarëve kur të shpërndani Kuvendin?”, tha ajo.