Bie çmimi i naftës, Kusari bën thirrje për monitorimin e tregut

Sipas të dhënave të fundit të importit të derivateve të karburanteve, çmimet për litër janë në rënie, njofton Mimoza Kusari, duke bërë thirrje për monitorim dhe bashkëpunim qytetar, shkruan Arbresh.info.

Importi i sotëm ka regjistruar këto çmime:

Nafta: 1.40 €/l

Benzina: 1.22 €/l

Në bazë të vendimit në fuqi për marzhën e fitimit, nga nesër çmimi maksimal i lejuar në treg nuk mund të jetë më i lartë se:

Nafta: 1.54 €/l

Benzina: 1.36 €/l

Kusari nënvizon se për çdo parregullsi në tregun e derivateve, qytetarët mund të raportojnë në numrin pa pagesë 0800 11000.

“Falë bashkëpunimit tuaj, mund të sigurojmë një treg më të drejtë dhe transparent për të gjithë,” thuhet në njoftim.