Digjen dy vila, njëra në Leposaviq tjetra në Ferizaj
Policia e Kosovës në raportin e përditshëm ka raportuar për djegien e dy vilave.
Njëri rast është në Leposaviq ndërsa tjetri në Ferizaj.
Rasti i parë që ka ndodhur në Leposaviq është cilësuar si “zjarrvënie” dhe ka ndodhur rreth orës 15:02.
“Ankuesi mashkull kosovar ka raportuar se i është djegur vila e tij. Përveç, dëmeve materiale nuk raportohet per te lenduar. Rasti në procedurë hetimore”, thuhet në raport.
Ndërsa në Ferizaj rasti është cilësuar si “incident zjarri” dhe ka ndodhur rreth orës 16:30.
“Ankuesi mashkull kosovar ka raportuar se në rrethana të panjohura nga zjarri i është djegur vila e tij. Përveç dëmeve materiale nuk raportohet për të lënduar. Njësitet relevante policore kanë dalur në vendin e ngjarjes, rasti në procedurë hetimore”, thuhet në raport.
