Dy persona humbin jetën gjatë një përpjekjeje për të kaluar Kanalin Anglez

Dy persona kanë vdekur duke u përpjekur të kalojnë Kanalin Anglez të shtunën në mëngjes, thanë zyrtarët francezë për agjencinë e lajmeve AFP.

Incidenti ndodhi gjatë natës në brigjet e Francës veriore, kur rreth 100 persona u nisën me një varkë për të shkuar në Mbretërinë e Bashkuar, thanë autoritetet.

60 persona nga kjo përpjekje u shpëtuan dhe “aktualisht po kujdesen nga mbrojtja civile”, sipas zyrtares franceze, Isabelle Fradin-Thirode.

Një çift dhe fëmija i tyre që vuante nga hipotermia u dërguan me urgjencë në një spital në Boulogne, shtoi ajo.