Dyshohet se dy persona mbetën të plagosur me armë në Podujevë, emergjenca deklarohet për rastin

TandemPress kishte raportuar më herët për të shtëna me armë zjarri në Podujevë.

Ndërkohë, Emergjenca në Podujevë ka konfirmuar se dy persona kanë mbetur të plagosur si pasojë e incidentit.

Sipas Emergjencës, të plagosurit kanë marrë trajtimin e parë mjekësor në Podujevë dhe më pas janë transferuar në Qendrën Emergjente të QKUK-së në Prishtinë për trajtim të mëtejmë.

Rrethanat e incidentit dhe gjendja shëndetësore e të plagosurve ende nuk janë bërë të ditura, ndërsa pritet njoftim zyrtar nga Policia e Kosovës.