Fshati Gllamnik i Podujeves ka probleme me rrymë, KEDS thotë se ekipet janë në terren
Në fshatin Gllamnik të Podujevës aktualisht ka probleme të furnizimit me energji elektrike, pasi një kabllo është dëmtuar.
Kompania për Distribuimin e Energjisë Elektrike (KEDS) ka thënë se ekipet janë në terren për të sanuar problemin.
Zëdhënësja e KEDS-it, Bleona Dallaveraj, ka thënë se problemi është me linjën 10kV.
Në fshatin Gllamnikë të Podujevës kemi pasur problem me linjën 10kV, ku është dëmtuar kablli i tensionit të mesëm, ekipet tona janë në terren duke punuar me intensitet të lartë për ta rikthyer linjën në punë sa më shpejt që të jetë e mundur” ,ka thënë Dallaveraj.
Kujtojmë që KEDS-i vazhdimisht ka bërë thirrje për kursim të energjisë elektrike, për shkak të ngarkesës së tepërt në rrjet.
Përmes një njoftimi me 31.12.2025 KEDS-i bëri të ditur se atë ditë është arritur ngarkesa maksimale prej 1,500 MW, me e larta e regjistruar ndonjëherë në Kosovë.
