Pep Guardiola thotë se nuk ka asnjë plan të ndryshojë mënyrën se si skuadra e tij luan, duke iu referuar një koleksioni të jashtëzakonshëm prej 18 trofesh të fituar gjatë gati një dekade të lavdishme te City.
Bazat e suksesit të trajnerit katalan kanë qenë përsosmëria taktike, inovacioni i pandalshëm dhe mbi të gjitha, përkushtimi i fortë për ta mbajtur topin në fushë.
I pyetur nëse mund ta ndryshojë qasjen këtë sezon, trajneri u përgjigj pa hezitim: “Pas fitimit të 18 titujve, po, do ta ndryshoj planin tim,” tha ai me humor.
“Jam shumë i sigurt, pas fitimit të katër titujve radhazi, do të ndryshoj mënyrën se si besoj se skuadrat e mia duhet të luajnë”, vazhdoi me ironi.
“Kurrë, asnjëherë, nuk do të ndryshoj bindjet e mia mbi mënyrën se si do të luajmë. Por mbi të gjitha, unë e dua ta pasoj topin, një milion pasime të mërzitshme. E dua këtë. Dua që skuadrat e mia ta kenë topin dhe të luajnë, të luajnë. E dua”, përfundoi Guardiola.
Guardiola ka fituar gjashtë tituj të Premier League, dy FA Cup, katër League Cup, tre Community Shield, si dhe 1 UEFA Champions League, 1 UEFA Super Cup dhe 1 FIFA Club World Cup, teksa po i afrohet dhjetë viteve në krye të “Sky Blues”.
