Gurët bien në rrugën Pejë-Kuqishtë, dëmtohet vetura, dhe tre persona lëndohen

Rruga Pejë – Kuqishtë vazhdon të përballet me rrezikun e rreshqitjes së gurëve, një problem që ka shqetësuar shoferët.

Sot, një gur i madh ka rënë nga mali dhe ka dëmtuar tërësisht një veturë.

Policia e Pejës është deklaruar lidhur me aksidentin që ka ndodhur sot në drejtim të Rugovës, ku një gur i madh ka rënë mbi një veturë në lëvizje.

Zëdhënësi i Policisë për Rajonin e Pejës, Fadil Gashi tha për Klankosova.tv se në veturë ndodheshin katër persona, burrë, grua dhe dy fëmijë.

Ata janë dërguar për trajtim mjekësor në Spitalin e Përgjithshëm në Pejë.

“Por, fatmirësisht, të lënduarit nuk kanë pësuar lëndime serioze dhe familja është jashtë rrezikut për jetë”, tha ai.