I riu që u gjet pa shenja jete dje në Pejë – Policia dhe Prokuroria japin detaje
Një i ri është gjetur pa shenja jete dje në ora 19:13 në qytetin e Pejës.
Policia e Kosovës përmes raportit 24 orësh ka dhënë detaje për rastin.
“Pejë / 15.03.2026 – 19:13. Është raportuar se viktima mashkull kosovar është gjetur pa shenja jete. Në vendin e ngjarjes kanë dalë të gjitha njësitë përkatëse si dhe prokurori i cili ka urdhëruar që trupi i pajetë të dërgohet në IML për Obduksion”, thuhet në raport.
Në lidhje me rastin, për lajmi.net ka folur edhe zëdhënësi i Prokurorisë Themelore në Pejë, Shkodran Nikçi.
“Me urdhër të prokurorit, trupi i pajetë është dërguar për autopsi në IML”, ka thënë Nikçi.
Siç është raportuar në media, viktima nga ky rast është i riu, i moshës 29 vjeçare Isa Nikçi.
Në lidhje me këtë rast, nga familja e tanimë të ndjerit kanë dal me njoftim.
Sipas njoftimit varrimi i tij bëhet sot në ora 15:00 në varrezat e fshatit Zllapek.
