Khamenei i ri sulmon Izraelin: Kreu sulmet në Turqi dhe Oman për të na përçarë me fqinjët

Mojtaba Khamenei lideri i ri suprem i Iranit, gjendja shëndetësore e të cilit mbetet ende një enigmë, lëshoi këtë të premte urimin e tij për popullin iranian me rastin e festës së Sulltan Novruzit, një deklaratë kjo e cila më shumë sesa një urim u duk një sqarim i pozitës së Teheranit mbi luftën e Lindjes së Mesme.

Deklarata e tij u lexua nga Televizioni Shtetëror i Iranit, ndonëse Teherani kishte publikuar më herët një video arkive të liderit suprem për të shuar zërat mbi gjendjen e tij shëndetësore, por videoja tregonte pamje të vjetra të tij.

Khamenei i ri foli për herë të parë mbi ato që janë raportuar si sulme iraniane mbi Turqi dhe Oman, duke deklaruar se këto sulme nuk ishin kryer nga Teherani, por ishin operacione të rreme të organizuara nga Izraeli./abcnews