Kolgeci: Rregullorja e bonus zonimit është përdorur politikisht, vetëm për t’ju mashtruar
Asambleisti nga radhët e LDK-së, Selman Kolgeci ka reaguar lidhur me rregulloren e bonus zonimit në komunën e Suharekës.
“Sot e mora në dorë dokumentin që tregon fytyrën e vërtetë të pushtetit në ikje.Ai dëshmon qartë se kishim të drejtë:“Rregullorja e bonus zonimit” është përdorur politikisht, vetëm për t’ju mashtruar”, ka shkruar Kolgeci.
Sipas Kolgecit qëllimi i tyre ishte vetëm përfitimi politik.
“Ne kemi qenë gjithmonë në anën e zhvillimit të qytetit tonë.Që nga dita e parë kemi dhënë vërejtje profesionale, me përgjegjësi, jo për të bllokuar – por për të mbrojtur interesin e qytetarëve dhe bizneseve”, ka shkruar tutje ai.
Ndryshe Kolgeci ka thënë se pushteti aktual duhet të kërkoj falje.
Postimi i plotë:
Mashtrimi nuk kalon!
Mashtruesëve – tregojani vendin të dielën!
Të dashur qytetarë të Suharekës, të nderuara biznese ndërtuese të komunës sonë,
Sot e mora në dorë dokumentin që tregon fytyrën e vërtetë të pushtetit në ikje.
Ai dëshmon qartë se kishim të drejtë:
“Rregullorja e bonus zonimit” është përdorur politikisht, vetëm për t’ju mashtruar!
U munduan t’ju bëjnë të besoni se janë në anën tuaj,
por qëllimi i tyre ishte vetëm përfitimi politik.
Ne kemi qenë gjithmonë në anën e zhvillimit të qytetit tonë.
Që nga dita e parë kemi dhënë vërejtje profesionale, me përgjegjësi, jo për të bllokuar – por për të mbrojtur interesin e qytetarëve dhe bizneseve.
Sot, ata duhet të kërkojnë falje!
Falje për mashtrimin, për manipulimin dhe për paaftësinë që po e paguajnë qytetarët e ndershëm të Suharekës.
Të dielën – tregojani vendin mashtruesve!
Sepse e ardhmja e Suharekës ndërtohet me punë dhe të vërtetën,jo me gënjeshtra dhe premtime boshe.
