Kosova Med dhuron pajisje shëndetësore për QKMF “Nënë Tereza” në Klinë
Kosova Med ka realizuar sot një donacion të rëndësishëm për Qendrën Kryesore të Mjekësisë Familjare (QKMF) “Nënë Tereza” në Klinë, me qëllim të përmirësimit të shërbimeve shëndetësore për qytetarët.
Donacioni përfshin:
- Një karrige stomatologjike për QMF-në në Zllakuqan
- Dy pajisje për oksigjen të kondensuar, të destinuara për nevojat e shërbimit të urgjencës në QKMF
Pajisjet u pranuan nga Drejtori i QKMF-së, Prof. Ass. Dr. Gazmend Bojaj, si dhe Kryeinfermierja Teuta Baca Rukolli, të cilët shprehën mirënjohjen e tyre për menaxhmentin e Kosova Med. Ata theksuan se ky donacion paraqet një ndihmë shumë të nevojshme dhe do të ndikojë drejtpërdrejt në rritjen e cilësisë së shërbimeve shëndetësore për pacientët.
Nga Drejtoria e QKMF-së u bë e ditur se vlerësohet lart çdo kontribut që ndihmon institucionet shëndetësore në Komunën e Klinës, duke falënderuar të gjithë donatorët që mbështesin përmirësimin e kujdesit shëndetësor publik.
Postimi i plotë:
Kosova Med dhuron pajisje shëndetësore për QKMF “Nënë Tereza” në Klinë
Sot, Operatori Ekonomik Kosova Med i dhuroi një donacion të rëndësishëm QKMF “Nënë Tereza” në Klinë, i cili përfshin:
• Një karrige stomatologjike për QMF Zllakuqan
• Dy pajisje oksigjeni të kondensuar për nevojat e shërbimit të urgjencës në QKMF
Pajisjet u pranuan nga Drejtori i QKMF-së, Prof. Ass. Dr. Gazmend Bojaj, dhe Kryeinfermierja Teuta Baca Rukolli, të cilët shprehën mirënjohjen e tyre për menaxhmentin e Kosova Med, duke theksuar se ky donacion është një ndihmë shumë e nevojshme për përmirësimin e shërbimeve shëndetësore.
Drejtoria e QKMF-së falënderon gjithmonë të gjithë ata që kontribuojnë në mbështetjen e institucioneve shëndetësore në Komunën e Klinës.
