Gazetari Naim Kryeziu ka reaguar pasi deputeti Haxhi Avdyli dhe ministri në detyrë Faton Peci arsyetuan se pse opozita nuk e votuan Donika Gërvallën për kryetare të Kuvendit pasi ajo është vajza e heroit Jusuf Gërvalla.
“Nuk mund të rri pa reaguar. Si deputeti Haxhi Avdyli, ashtu edhe ministri në detyrë Faton Peci kanë arsyetuar se pse deputetët nuk e votuan Donika Gërvallën, duke përmendur se ajo është vajza e heroit Jusuf Gërvalla dhe mbesa e nënës Ajshe”, ka shkruar Kryeziu.
Tutje ai ka thënë se pozitat publike duhet të fitohet me punë e meritë, jo vetëm me biografi familjare.
Ministri në detyrë Faton Peci kishte shkruar se dita e sotme do të mbetet në memorien e tij për gjithë jetën.
“Jo vetëm për dorën e ngritur kundër Albulena Haxhiut, por sepse pashë me sytë e mi, në sallën e Kuvendit, dorën e ngritur në kor nga PDK, LDK, AAK dhe Lista Serbe, kundër që Donika Jusuf Gërvalla, mbesa e Nënës Ajshe të jetë Kryetare e Kuvendit të Republikës”, ka shkruar Peci.
Ndryshe prej tij ka reaguar edhe deputeti Haxhi Avdyli ku ka thënë se sot kanë rënë maskat.
“Koalicioni PLAS, sdon zhbllokim, sdon formim institucionesh.PLAS del dhe kundër një emri siq është bija e heroit Jusuf Gervalla, siq është ministrja Gervalla.Këtë koalicion duhet ta plasim me votë në zgjedhjet e ardhshme.
Ska rrugë tjetër…plus 51%”, ka shkruar Avdyli.
