Mustafa: LDK-ja e vetmja parti me plan për të ardhmen e Kosovës
Zëdhënësi i Lidhjes Demokratike të Kosovës, Besian Mustafa, ka thënë se shumë njerëz po e pyesin se çfarë mund të bëjnë më shumë për ta ndihmuar LDK-në ta sjellim ndryshim.
Në konferencën e rregullt për media, ai ka theksuar se këto janë zgjedhje vendimtare për qytetarët, si dhe ka ftuar qytetarët të shkojnë në tubime të LDK-së dhe të bisedojnë me kandidatë për deputetë të kësaj partie.
“Ju mund të bisedoni me familjarët tuaj, miqtë tuaj, fëmijët tuaj e prindërit tuaj dhe t’u tregoni atyre pse votimi për LDK-në është mënyra e vetme për të sjellë ndryshimin në Kosovë. Ndryshimin që do të vijë për shkak të udhëheqjes së Lumirit dhe ekipit që ka LDK-ja”, tha Mustafa.
LDK-ja, ai tha se është e vetmja parti me program, e vetmja parti me plan për të ardhmen e Kosovës dhe me aftësi për ta realizuar atë plan.
“Andaj, ju bëj thirrje të bisedoni me familjarët tuaj, me miqtë, me fëmijët e me prindërit tuaj. Bindini ata që me 9 shkurt të votojnë 124 – LDK, që të vije ndryshimi’, ka thënë Mustafa.
