Pas një pauze të shkurtër nga angazhimi zgjedhor, Nexhat Ramadani ka konfirmuar rikthimin e tij si kandidat për Asamblenë Komunale të Suharekës nga radhët e LDK-së, në zgjedhjet lokale të 12 tetorit.
Ramadani, i cili për vite me radhë ka qenë pjesë e listave zgjedhore të Lidhjes Demokratike të Kosovës, thekson se çdo herë që ka kërkuar besimin e qytetarëve, e ka marrë atë me mirënjohje dhe përkushtim. Ai thotë se drejtësia, ndershmëria dhe sinqeriteti kanë qenë udhërrëfyesit e tij në punë dhe jetë.
“Në një kohë kur vlerat janë në krizë, kërkoj besimin tuaj për të vazhduar të ju përfaqësoj me dinjitet, ashtu siç e meritoni”, u shpreh ai, duke falënderuar qytetarët për mbështetjen e vazhdueshme ndër vite.
Ndërkaq zgjedhjet lokale do të mbahen me 12 tetor 2025.
