Një nxënës kapet me thikë në ambientin e shkollës “Kadri Kusari” në Gjakovë

Një rast shqetësues është regjistruar në një shkollë në Gjakovë, ku një nxënës është kapur me thikë brenda ambienteve shkollore.

Ngjarja ka ndodhur më 19 mars rreth orës 14:30 në shkollën “Kadri Kusari”, ku gjatë kontrollit nga sigurimi i shkollës, tek një nxënës i mitur është gjetur një mjet i mprehtë (thikë).

Sipas informacioneve, sigurimi i shkollës ka ndërmarrë kontroll rutinë, gjatë të cilit ka hasur në mjetin e dyshuar dhe menjëherë ka njoftuar Policinë.

I dyshuari është intervistuar nga policia në prezencën e prindit dhe avokatit mbrojtës.

I mituri ka deklaruar se thikën e kishte me vete për arsye të “sigurisë personale” dhe nuk kishte ndonjë qëllim tjeter.

Lidhur me rastin është njoftuar dhe prokurori kujdestar për të mitur, rasti mbetet nën hetim.