“Nuk kanë asnjë arsyetim”, Kusari-Lila dënon gjuhën ofenduese e kërcënuese ndaj presidentes Osmani

Ministrja e Industrisë, Tregtisë dhe Ndërmarrësisë, Mimoza Kusari-Lila, ka dënuar gjuhën ofenduese e kërcënuese dhe nxitjen e urrejtjes ndaj Presidentes Vjosa Osmani.

Kusari-Lila ka thënë se debati publik duhet të ndërtohet mbi ide, argumente dhe respekt, asesi mbi fyerje, kërcënime e mizogjeni.

“Në një shoqëri demokratike, kritika ndaj institucioneve dhe bartësve të tyre është e drejtë dhe e domosdoshme. Megjithatë, gjuha ofenduese, kërcënuese dhe nxitja e urrejtjes ndaj Presidentes së Republikës së Kosovës, Vjosa Osmani, nuk kanë asnjë arsyetim. Fyerjet nuk janë argument; ato janë delikuencë dhe mbeten të papranueshme në çdo debat publik”, ka shkruar Kusari-Lila.

Në fund, ajo ka thënë se demokracia nuk mbrohet me fyerje, por me argumente.