Përparim Rama njofton për fillimin e ngrohjes me Termokos

Kryetari i Prishtinës, Përparim Rama, ka njoftuar për fillimin e sezonit të Termokosit.

Ai ka thënë se këtë viti po fillojnë më herët për shkak të rënies së temperaturave.

“Kërkojmë mirëkuptimin e qytetarëve ndërsa furnizimi stabilizohet gradualisht gjatë orëve të para.” – ka shkruar ai.

Postimi:

Të dashur qytetarë të Kryeqytetit,

Sezoni i ngrohjes qendrore fillon më 15 tetor dhe përfundon më 15 prill, por sivjet, për shkak të temperaturave të ulëta që po mbretërojnë këto ditë, sezonën po e nisim 8 ditë më herët.

Faleminderit NP “Termokos” dhe KEK-ut për përgatitjet dhe bashkëpunimin që, tashmë prej vitesh, sigurojnë furnizim të qëndrueshëm me ngrohje për mbi 25 mijë familje dhe biznese në kryeqytet.

Kërkojmë mirëkuptimin e qytetarëve ndërsa furnizimi stabilizohet gradualisht gjatë orëve të para.

Së bashku po sigurojmë një Prishtinë më të ngrohtë dhe më të sigurt këtë dimër.