Policia bastis shtëpinë e Top Kolshit, të dyshuarit për vrasjen e Enver Bajraktarit
Policia e Kosovës ka kryer bastisje në shtëpinë e Top Kolshit, të dyshuarit për vrasjen dhe groposjen e Enver Bajraktarit në fshatin Baincë të Lipjanit.
Sipas raportit 24-orësh, bastisja është kryer mbrëmë rreth orës 18:00 me urdhër të gjykatës.
Gjatë kontrollit në shtëpinë e të dyshuarit është gjetur dhe sekuestruar një pushkë gjysmë automatike.
Ndërkohë Gjykata Themelore e Prishtinës ia kishte caktuar një muaj paraburgim Top Kolshit.
