Policia e Kosovës prezanton Sistemin e Identifikimit Biometrik (BIS)
Policia e Kosovës ka inauguruar Sistemin e Identifikimit Biometrik (BIS), të shtunën, më 29.11.2025.
Siç thuhet në një njoftim, ky sistem i avancuar mundëson regjistrimin, ruajtjen dhe verifikimin e të dhënave biometrike, duke përmirësuar digjitalizimin dhe efikasitetin e proceseve të migracionit.
Sipas Policisë, projekti është realizuar me mbështetje financiare nga Mbretëria e Zvicrës / SEM dhe implementim nga IOM.
Ky investim do të ndikojë drejtpërdrejt në rritjen e sigurisë, përmirësimin e qarkullimit të informacionit ndërinstitucional dhe mbrojtjen e grupeve të cenueshme”, thuhet në njoftimin e lëshuar në facebook nga Policia e Kosovës.
