Punëtori i një poste private dyshohet se mashtroi se dikush i grabiti 1 mijë e 400 euro

Një rast i një grabitje nën kërcënimin e thikës, është hetuar dhe është zbardhur se ka qenë inskenim.Policia e Kosovës ka njoftuar se një punëtor i një poste private kishte raportuar se një person i maskuar e nën kërcënimin e thikës i kishte grabitur 1 mijë e 400 euro. Madje për ta bërë më të besueshëm rastin, punëtori kishte raportuar se ishte goditur e sulmuar fizikisht si dhe i ishte shpuar goma e veturës.

Policia e kishte marrë rastin e raportuar më 20.02.2026 dhe e kishte trajtuar ndërsa është vërtetuar se e gjithë ngjarja ishte e inskenuar. Punëtori është arrestuar dhe për rastin është njoftuar edhe prokurori kujdestar.I dyshuari për lajmërim apo kallëzim të rremë është dërguar në mbajtje për 48 orë.