Rritja e konsumit dhe ndërprerja e energjisë, KOSTT sot me konferencë

Operator Sistemi, Transmisioni dhe Tregu – KOSTT-i, ka ftuar konferencë për media, për të sqaruar gjendjen aktuale të sistemit elektro-energjetik të Kosovës.

Konferenca është njoftuar të fillojë në orën 15:00.

Sipas KOSTT-it, pikat kryesore që do të adresohen në këtë konferencë janë: rritja e konsumit krahasuar me vitin e kaluar, ngarkesa maksimale e arritur dhe rreziku i mundshëm i reduktimeve në rast të mbingarkesës.

Nga KOSTT-i pritet të bëhet apel te qytetarët, institucionet dhe bizneset, që të ulin konsumin e energjisë elektrike dhe të zhvendosin konsumin jashtë orëve të pikut.

KOSTT-i paralajmëron se ngarkesa pritet të rritet në ditët më të ftohta.