“Sot nuk do të flasim për miza”, Abdixhiku ironizon me Kurtin gjatë prezantimit të planit 1.5 miliardësh për Prishtinën
Kreu dhe kandidati i LDK-së për kryeministër, Lumir Abdixhiku ka ironizuar me kryeministrin Kurti, i cili dje në një tubim elektoral në Pejë tha se “LDK është ‘mizë’ që njerëzit me shuplakë provojnë ta mbysin”.
Ai këto komente i bëri gjatë një konference të mbajtur në Prishtinë me kryetarin e kryeqytetit, Përparim Rama, aty ku prezantuan një plan ambicioz investimesh në Prishtinë prej 1.5 miliardë eurosh.
“Sot me Përparimin nuk e kemi ndërmend me fol për miza. Sot me Përparimin e kemi ndërmend me fol për 1.5 miliardë euro investime për Kryeqytetin e Kosovës”, tha Abdixhiku.
“Para Zotit, para popullit, para familjes, para gjithë vendit. Kosova ka nevojë për ambicie të lartë, për besim në vendin e vet”, deklaroi ai.
Plani 1.5 miliardësh parasheh ndërtimin e Unazës, Spitalit e Qendrës së Sporteve ndër të tjerash.
“1.5 miliard për Kryeqytetin! Projekte që ndikojnë jetën e secilit në Prishtinë! Për këto flasim sot; asgjë tjetër! Unaza, Spitali, Qendra e Sporteve, Parku Teknologjik, Mësimi Tërëditor, Komplekset Kulturore e Ngrohja Qendrore! #LDK124”, ka shkruar Abdixhiku.
https://www.facebook.com/watch/?v=1626783641247066
