Viktor Gyokeres reagon për herë të parë pas humbjes ndaj Kosovës

Viktor Gyokeres e ka quajtur formën e ekipit suedez si të mjerueshme pas humbjes nga Kosova në kualifikueset e Kupës së Botës.

Gyokeres tha se ishin të pafat ndaj Sllovenisë e Zvicrës, por ndaj Kosovës ishte një dështim i plotë.

Ai shton se në ekip është një situatë krize dhe se nuk e dinë se çfarë po bëjnë.

“Nuk duam ta fitojmë aq shumë ndeshjen, mendoj se kjo ishte e qartë; mund ta shihnit nga gjuha e trupit tonë se nuk duam të fitojmë aq shumë”, tha sulmuesi i Arsenalit.

“Ne ishim të pafat kundër Sllovenisë dhe Zvicrës , por në këto dy ndeshje kundër Kosovës , nuk meritonim asgjë. Sigurisht, është një fiasko”.

“Ne jemi shumë të pakënaqur si lojtarë. Dhe siç e kam thënë edhe më parë, ne marrim shumë përgjegjësi vetë. E shohim veten në pasqyrë. Dhe askush nuk miratohet. As ne lojtarët, as ne si ekip. Dhe kjo sigurisht përfshin trajnerin dhe gjithçka përreth”.

Ndryshe, në më pak se 24 orë më vonë, Federata Suedeze e Futbollit njoftoi se trajneri Jon Dahl Tomasson ishte shkarkuar nga detyrat e tij me efekt të menjëhershëm, ndërsa kërkimi për pasardhësin e tij është duke u zhvilluar.