Behar Preniqi, u arrestua ditën e djeshme nga autoritetet serbe, në pikën kufitare Bajakovo, që ndodhet mes Kroacisë dhe Serbisë.
Preniqi u arrestua me pretendimin se ky kishte qenë pjesëtar i UÇK-së.
Klankosova.tv merr vesh nga burimet se lidhur me rastin është informuar edhe Zyra Ndërlidhëse në Beograd.
Kjo u konfirmua edhe familja e të arrestuarit.
“Më thanë se nuk kanë informacion. Duhet të presin 48 orë. Duhet ta kuptojnë vendin se ku po e mbajnë”, deklaruan nga familja.
Klankosova.tv ka dërguar pyetje lidhur me rastin në Ministrinë e Punëve të Jashtme dhe Diasporës, dhe është në pritje të një përgjigje.
