Kurti nis valën e emërimeve në 19 ministri: Kush janë zëvendësministrat deri tani?

Kryeministri i Kosovës, Albin Kurti, ka nisur emërimet e para të zëvendësministrave në disa nga 19 ministritë e kabinetit të ri qeveritar.

Menjëherë pas marrjes së mandatit për herë të tretë, Kurti e riemëroi Daulina Osmani zëvendësministre të Sportit dhe Rinisë, duke i besuar sërish të njëjtën përgjegjësi.

Në Ministrinë e Infrastrukturës dhe Transportit është emëruar Zef Morina, ndërsa Kreshnik Ahmeti do të vazhdojë të mbajë postin e zëvendësministrit të Punëve të Jashtme dhe Diasporës.

Një tjetër emërim është ai i Avni Zogiani, i cili do të shërbejë si zëvendësministër i parë i Mjedisit dhe Planifikimit Hapësinor.

Në Ministrinë e Shëndetësisë, Dr. Arsim Berisha është rikthyer në pozitën e zëvendësministrit, post që e kishte mbajtur edhe në mandatin e kaluar.

Po ashtu, Imri Demelezi është emëruar zëvendësministër i parë i Bujqësisë, Pylltarisë dhe Zhvillimit Rural, ndërsa Nora Arapi Krasniqi do të jetë zëvendësministre e parë e Kulturës dhe Turizmit.

Në Ministrinë e Drejtësisë, Genc Nimoni, ish-shefi i kabinetit të Albulena Haxhiu, do të shërbejë si zëvendësministër i ministres Donika Gërvalla.

Emërimet në ministritë e tjera pritet të vazhdojnë edhe në ditët në vijim. Në mandatin e ri, Kurti ka rritur numrin e ministrive në 19, krahasuar me 12 sa ishin në përbërjen e mëparshme të Qeverisë.

Më poshtë, gjeni emrat e ministrave: 

Zv. Kryeministër i parë dhe Ministër i Punëve të Jashtme – Glauk Konjufca

– Zv/kryeministre e dytë dhe Ministre e Drejtësisë – Donika Gërvalla

– Zv/kryeministër për çështje të pakicave dhe bashkëpunim – Fikrim Damka

– Ministër i Financave – Hekuran Murati

– Ministër për Punë, Familje dhe Vlera te Luftes Çlirimtare – Andin Hoti

– Ministër i Mbrojtjes – Ejup Maqedonci

– Ministër i Punëve të Brendshme – Xhelal Sveçla

– Ministër i Administratës Publike dhe Digjitalizimit – Lulëzon Jagxhiu

– Ministër i Shëndetësisë – Arben Vitia

– Ministër i Arsimit dhe Shkencës – Hajrullah Ceku

– Ministër i Kulturës dhe Turizmit – Saranda Bogujevci

– Ministër i Sportit dhe Rinisë – Blerim Gashani

– Ministër i Administrimit të Pushtetit Lokal – Elbert Krasniqi

– Ministre e Mjedisit dhe Planifikimit Hapësinor – Fitore Pacolli

– Ministër i Bujqërisë, Pylltarisë dhe Zhvillimit Rural – Armend Muja

– Ministër i Infrastrukturës dhe Transportit – Dimal Basha

– Ministër i Tregtisë, Industrisë dhe Inovacionit – Mimoza Kusari

– Ministre e Ekonomisë – Artane Rizvanolli

– Ministër për Komunitete dhe Kthim – Nenad Rashiq

– Ministër për Zhvillim Rajonal – Rasim Demiri