Tetori Rozë: KosovaMed vazhdon të ofrojë shërbime falas për pacientët me sëmundje të rënda

Në kuadër të Tetorit Rozë, QKMF-ja e Mitrovicës dhe KosovaMed Healthcare bashkojnë përpjekjet për ndërgjegjësimin për kancerin e gjirit, duke rikujtuar rëndësinë e kontrolleve të rregullta dhe të kujdesit shëndetësor për të gjithë.

KosovaMed Healthcare po vazhdon të dëshmojë përkushtimin e saj në shërbim të qytetarëve, duke ofruar shërbime shëndetësore falas, me theks të veçantë te mbështetja për pacientët që përballen me sëmundje të rënda, përfshirë sëmundjet kancerogjene.

Në kuadër të muajit Tetori Rozë, që i kushtohet ndërgjegjësimit për kancerin e gjirit, Qendra Kryesore e Mjekësisë Familjare në Mitrovicë, në bashkëpunim me KosovaMed Healthcare, ka organizuar një aktivitet ndërgjegjësues për qytetarët.