Grabitje e armatosur në Duhël, shoferit të postës ia marrin rreth 10 mijë euro

Një plaçkitje e armatosur raportohet se ka ndodhur gjatë ditës së sotme në autostradën “Ibrahim Rugova”, në afërsi të fshatit Duhël.

Sipas informacioneve të “Gazeta Nacionale”, cak i grabitjes ka qenë një automjet transportues që kryen shërbime postare, derisa bazuar në burime të gazetës, dyshohet se shoferit iu janë grabitur rreth 10 mijë euro.

Burime të Gazetës Nacionale kanë bërë të ditur se grabitësit fillimisht kanë qëlluar me armë zjarri pjesën e pasme të automjetit dhe pasi kanë arritur ta ndalojnë, nga shoferi kanë kërkuar të hollat nën kërcënimin e armës.

Policia ka dalë në vendin e ngjarjes dhe tashmë janë duke kryer hetimet rreth rastit.

TandemPress ka tentuar të kontaktojë me organet e rendit, mirëpo ende nuk ka marrë ndonjë përgjigje.

https://www.facebook.com/share/r/17kRmtgBFQ