Gjatë ditës se enjte ka ndodhur një aksident në Keqekollë të Prishtinës, ku si pasojë ka ndërruar jetë shoferi i veturës dhe janë lënduar 14 persona.
Pas këtij aksidenti me fatalitet ka reaguar ndërmarrja “Trafiku Urban”, ku ka shprehur ngushëllime për viktimën dhe ka bërë të ditur se gjendja e të lënduarve është stabile.
“Jemi thellësisht të tronditur nga ngjarja tragjike e ndodhur mbrëmë në Keqekollë, ku nga aksidenti mes një veture dhe autobusi të Trafikut Urban, humbi jetën shoferi i veturës, dhe u lënduan 14 udhëtarë. Gjendja e të lënduarve është stabile dhe mbrëmë janë liruar nga QKUK-ja”, thuhet në njoftimin e tyre.
Trafiku Urban ka uruar shërim të shpejtë të lënduarve dhe ka njoftuar se të njejtit janë liruar nga QKUK-ja.
