Kurti: Mirënjohës për analizat dhe këshillat e Serwerit për Kosovën dhe rajonin

Kryeministri Albin Kurti është takuar të enjten me profesorin amerikan në universitetin “Johns Hopkins”, Daniel Serwer, ndaj të cilit tha se është mirënjohës për analizat dhe këshillat e tij për çështjet e rëndësishme për vendin.

Kurti ka thënë se Serwer është diplomat i madh, por mik edhe më i madh i Kosovës. 

“Ky ishte vetëm një nga takimet e shumta që kemi pasur gjatë më shumë se dy dekadave, por ishte hera e parë që pata privilegjin ta mirëpres në Zyrën e Kryeministrit. Si gjithmonë, jam mirënjohës për analizën e tij therëse dhe këshillat e tij të mençura për çështjet më të rëndësishme me të cilat përballet Republika jonë dhe qytetarët e saj, dhe rajoni në tërësi”, ka shkruar Kurti në platformën “X”.