Lidhur me rastin e vrasjes së Enver Bajraktarit në Baicë të Lipjanit, ku është arrestuar një person, Prokuroria Themelore ka njoftuar se i arrestuari e ka pranuar fajin.
“Si rezultat i këtij veprimi policor në koordinim të plotë me Prokurorin e shtetit, është arrestuar dhe ndaluar një person i dyshuar mashkull me inicialet T.K. Pas ndalimit në polici dhe dhënies së deklaratës, i dyshuari ka pranuar veprimet e tij dhe kryerjen e veprës penale.
I dyshuari është ndaluar me vendim të prokurorit të shtetit, dhe ndaj tij janë duke u zhvilluar procedurat e mëtutjeshme ligjore.”, thuhet mes tjerash në njoftim.
Postimi i plotë:
Prokuroria Themelore në Prishtinë, në kuadër të hetimeve lidhur me rastin e vrasjes së rëndë, ku viktimë ishte tani i ndjeri Enver Bajraktari nga Lipjani, njofton opinionin publik se në bashkëpunim të ngushtë me Policinë e Kosovës dhe me veprime të pandërprera hetimore, që nga momenti i raportimit të rastit, sot më 12.08.2025 është realizuar një urdhër kontroll në fshatin Baicë të Komunës së Lipjanit.
Si rezultat i këtij veprimi policor në koordinim të plotë me Prokurorin e shtetit, është arrestuar dhe ndaluar një person i dyshuar mashkull me inicialet T.K. Pas ndalimit në polici dhe dhënies së deklaratës, i dyshuari ka pranuar veprimet e tij dhe kryerjen e veprës penale.
I dyshuari është ndaluar me vendim të prokurorit të shtetit, dhe ndaj tij janë duke u zhvilluar procedurat e mëtutjeshme ligjore.
Prokuroria dhe Policia mbeten të përkushtuar për ndërmarrjen e të gjitha veprimeve të nevojshme me qëllim të zbardhjes së plotë të rrethanave të këtij rasti.
