Në KEK ka defekt, por s’do të ketë terr

Korporata Energjetike e Kosovës (KEK) ka bërë të ditur se nuk ka asnjë mungesë në furnizimin me energji elektrike, pavarësisht situatës në njësinë A3.

Sipas tij, kjo siguron vazhdimësi në furnizimin me energji, edhe pse njësia A3 ka qenë në remont që nga 31 tetori.

“Korporata Energjetike e Kosovës ju njofton se sot, më datë 08.12.2025, është duke operuar me njësinë A4 të TC Kosova A, si dhe me njësitë B1 dhe B2 të TC Kosova B, me një kapacitet të përgjithshëm prodhues prej 14,640 MWh.”, ka thënë Bucolli.

“Megjithatë, sasia e energjisë së kësaj njësie është kompensuar dhe, bazuar në planin e nominuar nga KEK, nuk ka mungesë të prodhimit me energji elektrike”, shtoi Bucolli, duke qartësuar se prodhimi i njësive të tjera ka mbuluar plotësisht deficitin.

Bucolli ka thënë pavarësisht ndërhyrjeve teknike, furnizimi me energji për qytetarët dhe bizneset mbetet i qëndrueshëm dhe i pandërprerë.