Prokuroria nis hetim për shpifje dhe propagandë kundër Arian Tahirit
Departamenti i Krimeve Kibernetike i Policisë së Kosovës ka nisur hetimin e disa llogarive në rrjetet sociale të cilat pas 12 tetorit kanë vërshuar me propragandë politike, manipulim fotografish e shpifje kundër Kandidatit të PDK-së për Kryetar të Mitrovicës, Arian Tahirit.
Rasti ka kaluar edhe në Prokurori dhe mësohet se i posedon edhe identitetet e personave që menaxhojnë me faqet online që kanë kryer fushatë kundër Tahirit.
Arian Tahirin ka konfirmuar se Policia e Kosovës ka nisur hetimet kibernetike rreth përdoruesve të disa faqeve online që me manipulime e shpifje po synojnë të ndërhyjnë në vullnetin e qytetarëve të Mitrovicës.
“Fushatat denigruese që kanë nisur kundër meje tregojnë shumë për ata që i kanë nisur, tregojnë për nivelin e tyre, për mungesën e vizionit, projekteve dhe mungesën e zgjidhjeve për Mitrovicën. Kultura e shpifjes dhe linçimit nuk është kulturë e qytetarëve të Mitrovicës. Nuk ka qenë kurrë. Mitrovica nuk i pranon këto. Mitrovica është qytet i vlerave, i njerëzve punëtorë e të ndershëm, që meritojnë garë të drejtë, debat të hapur dhe vizion për të ardhmen, jo gjuhë urrejtjeje e sjellje të tilla. Unë garoj për t’i shërbyer qytetit tim dhe prioriteti im është dhe do të jetë gjithmonë vetëm Mitrovica dhe mitrovicasit”, ka thënë Tahiri përmes telefonit për Nacionale.com.
