Rama bënë thirrje për konfiskimin e armëve pas ngjarjeve të fundit: Për keqardhje që qytetarët s’kanë qeveri funksionale

Kryetari i Prishtinës, Përparim Rama, ka reaguar lidhur me ngjarjet e fundit në vend ku ka pasur disa të vrarë por edhe viktima si pasojë e aksidenteve rrugore. Rama ka deklaruar se ajo çfarë e bën gjendjen shqetësuese është fakti se qytetarët s’kanë një qeveri ‘‘funksionale pas vetes’’ e cila merret seriozisht me nevojat dhe sigurinë e tyre.

I pari i Prishtinës ka deklaruar edhe se kjo është për keqardhje dhe se qytetarët kanë mbetur me institucione “në detyrë”, ndërsa rreziku çdo ditë po merr jetë.Në postimin e tij, Rama i ka bërë thirrje Policisë, Ministrisë së Punëve të Brendshme, gjyqësorit dhe udhëheqësve të komunave që të nisin një fushatë të koordinuar për konfiskimin e të gjitha armëve të paligjshme.