Shoqata e Gurthyeve dhe Betonjerkave, në kuadër të Lidhjes së Bizneseve të Kosovës (LBK), ngre alarmin për gjendjen alarmante në të cilën ndodhet sektori minerar në vend. Për shkak të mosfunksionimit të institucioneve, ligjeve të pakoordinuara dhe vonesave të pajustifikuara, mbi 100 kompani të licencuara janë të bllokuara, ndërsa investime milionëshe dhe qindra vende pune janë në prag të humbjes.
Sipas kësaj shoqate kompanitë e tyre, që kanë investuar miliona euro dhe punësojnë qindra punëtorë, rrezikojnë falimentimin.
Shoqata e Gurëthyesve ka bërë thirrje për • formimin e institucioneve.
“Edhe më shqetësuese është fakti që një sasi e madhe zhavorri importohet nga Serbia, ndërkohë që kompanitë vendore mbahen të bllokuara. Kjo gjendje jo vetëm që dëmton industrinë vendore, por rrezikon vendet e punës, të hyrat e shtetit dhe stabilitetin e sektorit ndërtimor”, thuhet tutje në njoftimin e tyre.
Sipas tyre nëse nuk veprohet menjëherë, pasojat për industrinë minerare dhe zhvillimin ekonomik të Kosovës do të jenë të pariparueshme.
