Përparim Rama paralajmëron padi për shpifje ndaj deputetit të LVV, Egzon Azemit

Përparim Rama ka paralajmëruar padi civile për shpifje ndaj deputetit të Lëvizjes Vetëvendosje, Egzon Azemi. Ai pretendon se deputeti ka bërë akuza të pabazuara dhe ka paralajmëruar publikisht arrestime e dënime. Rama kërkon tërheqjen e deklaratave, përgënjeshtrim publik dhe kërkimfalje.

Përparim Rama ka paralajmëruar se do të ngrejë padi civile për shpifje ndaj deputetit të Lëvizjes Vetëvendosje, Egzon Azemi, duke e akuzuar atë për deklarata të pabazuara dhe përpjekje për ta përdorur drejtësinë si instrument të përplasjes politike.

Përmes një reagimi publik, Rama ka kritikuar deklarimet e deputetit të Vetëvendosjes, i cili, sipas tij, ka paralajmëruar arrestime dhe dënime, duke folur me siguri për çështje që janë kompetencë e institucioneve të drejtësisë.“Kur një deputet kërcënon publikisht me arrestime e dënime, duke folur me siguri në emër të drejtësisë, atëherë kemi problem serioz. As Egzon Azemi, as Vetëvendosje dhe asnjë parti politike nuk janë prokurori, gjykatë apo organ i drejtësisë në Republikën e Kosovës!”, ka shkruar Rama