Arrestohet në Jarinjë një person i dyshuar për falsifikim dokumentesh

Policia e Kosovës, konkretisht Drejtoria për Hetimin e Krimit të Organizuar dhe Krimeve të Renda, në vazhdën e hetimeve të një rasti paraprak ‘’Falsifikim i dokumenteve’’, sot me datën 17.08.2026 në Jarinje, ka arrestuar personin e dyshuar I.S., (1985).

Lidhur me arrestimin e personit të dyshuar, sipas procedurave është njoftuar prokurori kujdestar, me urdhër të të cilit është kryer edhe një kontroll në shtëpinë e të dyshuarit në Leposaviq.
Gjatë kontrollit janë gjetur dhe sekuestruar 45 copë fishekë të calibrave të ndryshëm dhe disa pjesë të uniformës.

Ndërsa në cilësinë e provave materiale për rastin ‘’Falsifikim i dokumenteve’’ është sekuestruar një telefon personal, i tipit REDMI 5G.
Pas intervistimit në prezencën e avokati mbrojtës, personi i dyshuar me vendim të prokurorit dërgohet në ndalim prej 48 orësh, përderisa të gjitha veprimet e mëtejme do të ndërmerren në bashkëpunim me organet e drejtësisë