Humb jetën një person si pasojë e një aksidenti në Novosellë të Kamenicës
Një person ka humbur jetën si pasojë e një aksidenti në fshatin Novosellë të Kamenicës të dielën pasdite.
Policia njofton se është arrestuar i dyshuari që shkaktoi aksidentin, derisa si pasojë e aksidentit kanë pësuar lëndime edhe disa persona të tjerë.
“Është arrestuar i dyshuari mashkull kosovar pasi i njëjti derisa ishte duke drejtuar veturën dyshohet se nga pakujdesia dhe mospërshtatja e shpejtësisë me kushtet e rrugës ka humbur kontrollin mbi veturë dhe ka dalë jashtë rrugës duke goditur kështu anësoret e metalit. Si pasojë viktima mashkull kosovar/pasagjer në veturë ka ndërruar jetë në vendin e ngjarjes, ndërsa lëndime ka pësuar edhe pasagjeri tjetër mashkull kosovar si dhe vet drejtuesi-i dyshuari. Me vendim të prokurorit, trupi i pajetë i viktimës është dërguar në IML për obduksion, ndërsa i dyshuari-drejtuesi është dërguar në mbajtje”, njofton raporti 24-orësh i PK-së.
