Inspektorati ndalon punimet në 12 objekte ndërtimi në komunën e Rahovecit
Inspektorati Qendror i Punës ka ndaluar punimet në 12 objekte ndërtimi në Komunën e Rahovecit, pasi gjatë inspektimeve ka konstatuar parregullsi në zbatimin e masave për sigurinë dhe shëndetin në punë.
Sipas njoftimit, gjatë kontrolleve në terren janë evidentuar shkelje të kërkesave ligjore për sigurinë dhe shëndetin e punëtorëve në disa kantiere ndërtimi.
Për këtë arsye, është vendosur që punimet në 12 objektet të ndërpriten deri në eliminimin e parregullsive dhe përmbushjen e kushteve të kërkuara me ligj.
