KRU “Hidrodrini” njofton se persona të pa-identifikuar dëmtuan kabllot lidhëse dhe dy fshatra të Klinës mbetën pa ujë

Sot rreth orës 09:25, KRU “Hidrodrini” njofton se stacioni i pompave në fshatin Berkovë të Klinës u dëmtua nga keqbërës ende të paidentifikuar.

U dëmtuan kabllot lidhëse dhe trafoja elektrike, ndërsa pa ujë mbeten banorët e Berkovës dhe një pjesë e Zllakuqanit

“Si pasojë e këtij akti kriminal, pa furnizim me ujë kanë mbetur të gjithë banorët e fshatit Berkovë, si dhe një pjesë e fshatit Zllakuqan, duke përfshirë edhe Shkollën Fillore “Shtjefën Gjeçovi”, thuhet në njoftim.

Policia ka hapur rastin dhe po zhvillon hetime, ndërsa bashkë me KEDS-in do të bëhet riparimi sa më shpejt.