Bedri Hamza i gatshëm për përballje televizive me Albin Kurtin “në cilëndo studio”

Lideri dhe njëherit kandidati i Partisë Demokratike të Kosovës, Bedri Hamza, ka shprehur gatishmërinë për një debat televiziv me Albin Kurtin e Vetëvendosjes.

Hamza, në Klan Kosova, tha se madje kjo është edhe “në të drejtën e publikut” që t’i sheh pretendentët për qeverisje të vendit derisa ballafaqojnë programet dhe ofertat e tyre zgjedhore.

“Sigurisht se po. Në cilëndo studio televizive, jo me qëllim për ne të dy, por për publikun. Publiku ka të drejtë me na pa se çka përfaqësojmë, me çfarëd programi e vizioni e ekipe garojmë. Normalisht prej meje gjithmonë brenda suazave të respektit reciprok.”