Aksident me fatalitet në Gjakovë, vdes motoçiklisti
Një motoçiklist ka vdekur si pasojë e një aksidenti në rrugën “Tirana” në Gjakovë.
Lidhur me rastin e rëndë detaje ka dhënë Albin Sahatqija, drejtori rajonal i Policisë së Trafikut në Gjakovë.
“Ka ndodhur rreth orës 02:20. Motoçiklisti nuk iu ka përshtatur shpejtësisë dhe e ka humbur kontrollin dhe është përplasur me trotuarin. Si pasojë e shpejtësisë, ai është gjuajtur mbi veturën e cila ka qenë duke lëvizur në shiritin e vet”, deklaroi ai.
“Është dërguar në spital ku nuk ka mundur t’ju bëjë plagëve dhe ka vdekur. Vdekjen e ka konstatuar mjeku kujdestar. Trupi i pajetë është dërguar për obduksion në IML. Rasti po hetohet nga hetuesit e aksidenteve”, shtoi Sahatqija.
