Konjufca pret sot homologun belg Prévot, pas takimit konferencë për media

Zëvendëskryeministri i Parë dhe ministri i Punëve të Jashtme dhe Diasporës i Kosova, Glauk Konjufca, do të presë sot në një takim zyrtar homologun e tij nga Belgjika, Maxime Prévot.

Takimi është planifikuar të zhvillohet në orën 15:15 në ambientet e Ministrisë së Punëve të Jashtme dhe Diasporës, ku pas bisedimeve dy zyrtarët do të mbajnë edhe një konferencë të përbashkët për media.

Maxime Prévot aktualisht mban postin e zëvendëskryeministrit dhe ministrit të Punëve të Jashtme të Belgjikës, duke qenë një figurë kyçe në politikën e jashtme dhe marrëdhëniet me vendet e Evropës dhe më gjerë.

Ky takim vjen në kuadër të vizitës që Prévot po zhvillon në rajonin e Ballkanit Perëndimor, një turne diplomatik që përfshin disa shtete dhe ka për qëllim forcimin e marrëdhënieve dhe mbështetjen për integrimin evropian të rajonit