Hasani: Vizioni jonë është qeverisje e drejtë, dhe qytetari është prioritet i jonë

Kandidati për kryetar të Podujevës nga Nisma Socialdemokrate, Xhemajl Hasani ka mbajtur tubim me aktivistët dhe kandidatët për Asamble në Batllavë.

“Diskutuam për sfidat lokale, mundësitë e zhvillimit të zonës dhe vizionin tonë për qeverisje të drejtë, transparente dhe me prioritet qytetarin”, ka shkruar Hasani.

Tutje ai theksoi se bashkë do të jenë më të fortë dhe bashkë e do ta dërgojn Nismën përpara.

Postimi i tij i plotë:

Sot, në një atmosferë të ngrohtë dhe vëllazërore, zhvilluam një tubim të bukur në Batllavë me aktivistët tanë të përkushtuar dhe kandidatët për Asamblenë Komunale, në kuadër të fushatës tonë për zgjedhjet lokale.

Ngjarja u bë edhe më e veçantë me prezencën e veçantë të deputetes Xhevahire Izmaku, e cila dha një fjalë rasti plot motivim, përkrahje dhe besim në fuqinë e qytetarit dhe rolin vendimtar që ka Nisma në ndërtimin e një të ardhmeje më të mirë.

Diskutuam për sfidat lokale, mundësitë e zhvillimit të zonës dhe vizionin tonë për qeverisje të drejtë, transparente dhe me prioritet qytetarin.

Falënderojmë secilin pjesëmarrës për përkrahjen dhe energjinë pozitive. Bashkë jemi më të fortë – bashkë e çojmë Nismën përpara!
Jemi duke punuar shumë që të korrim fitore në raundin e parë.