Ndalohen dy persona në Novosellë të Kamenicës, pasi kaluan kufirin në mënyrë ilegale

Nga: Natyra Dragusha

Njësitë policore kanë ndaluar një automjet me targa të huaja gjatë një kontrolli rutinë.

Automjetin e drejtonte një mashkull kosovar, ndërsa pasagjeri ishte një mashkull shtetas i huaj.

Policia bën të ditur se të dyshuarit dyshohet se kanë kaluar në mënyrë ilegale kufirin nga territori i Serbisë drejt Kosovës, duke përdorur rrugë jashtë vendkalimeve të autorizuara.
Në konsultim me prokurorin është iniciuar lënda e rastit, ndërsa të dyshuarit janë liruar në procedurë të rregullt.

“Hetimet për këtë incident po vazhdojnë” thuhet në raportin e policisë.