Të burgosurit në Burgun e Sigurisë së Lartë, nuk votuan për shkak të dokumenteve të skaduara

Nëntë nga të burgosurit në Burgun e Sigurisë së Lartë nuk arritën që të shfrytëzojnë të drejtën e tyre të votës për shkak se mjetet e identifikimit të tyre ishin me afat të skaduar.

Të dënuarit që janë në Burgun e Sigurisë së Lartë sipas informatave nga zyrtarët e burgut, në raste kur dokumentet e tyre janë afër skadimit duhet të bëjnë kërkesë vetë apo përmes familjarëve të tyre për të vazhduar dokumentet e tyre.

Megjithatë sipas informatave thuhet se nuk ka pasur asnjë kërkesë paraprake nga të burgosurit për vazhdim të afateve të dokumenteve personale të tyre.