Dy persona plagosen me armë zjarri në Prishtinë
Dy persona janë plagosur me armë zjarri mëngjesin e sotëm në rrugën “Ahmet Krasniqi” në Prishtinë.
Zëdhënësi i Policisë për rajonin e Prishtinës, Enis Pllana tha se ngjarja ka ndodhur rreth orës 04:00 të mëngjesit.
Ai tha se të plagosurit janë dërguar për trajtim mjekësor.
“Aktualisht, hetuesit policorë, në koordinim me Prokurorin e Shtetit, po ndërmarrin veprime hetimore për ndriçimin e plotë të rastit”, tha Pllana.
