Aksident i rëndë mes 3 veturave në Kijevë të Malishevës, konfirmohet se të lënduar janë shtatë persona
Një aksident i rëndë trafiku ka ndodhur para pak minutash në Kijevë të Malishevës. Në aksident janë përfshirë tri vetura, ndërsa raportohet se ka edhe persona të lënduar rëndë.
Ekipet relevante kanë arritur në vendin e ngjarjes dhe po merren me rastin. Zëdhënësi i Policisë për Rajonin e Gjakovës, Sheremet Elezaj, ku ka bërë të ditur se 7 persona kanë mbetur të lënduar.
Elezaj ka njoftuar se aktualisht gjendja e tyre shëndetësore është jashtë rrezikut per jetë.
“Sot rreth orës 13:10 jemi njoftuar për aksident trafiku në fshatin Kijevë, në rrugën Pejë–Prishtinë. Në aksident janë përfshirë tri automjete, ndërsa, sipas informatave të deritanishme, raportohet se shtatë persona janë dërguar për trajtim mjekësor. Aktualisht gjendja e tyre shëndetësore është jashtë rrezikut per jetë. Njësia Rajonale e Komunikacionit Rrugor është duke trajtuar rastin dhe po ndërmerren veprimet e nevojshme policore”, ka thënë Elezaj.//TandemPress
