Qytetari nga Prishtina merr 18 mijë euro hua nga një person me marrëveshje, në këmbim lë veturën e tij, më pas i kerkohet 30 mijë euro kthimi, rasti raportohet në polici

Një qytetar ka raportuar në Polici se kishte marrë hua 18 mijë e 50 euro nga një person, me marrëveshjen që borxhin ta kthente brenda një muaji, së bashku me 3 mijë euro shtesë.

Si garanci për huanë, ankuesi kishte lënë veturën e tij, thuhet në raportin 24-orësh të Policisë.

Sipas tij, i dyshuari nuk ishte lajmëruar me kohë, ndërsa më pas kishte kërkuar 30 mijë euro në total për kthimin e veturës dhe shlyerjen e borxhit.

Rasti ka ndodhur më 13 gusht në rrugën “C” në Prishtinë dhe është duke u hetuar nga Policia